Dyvjeçari nga Britania, Fred Albutt, u bë sensacion pasi babai i tij postoi disa video në YouTube në të cilat djaloshi shihet duke shijuar muzikën drum’nbass në stilin e një “klluberi” të vërtetë.

Djaloshi është i lidhur në ulëset për foshnje, ndërsa babai ia lëshon muzikën. Babai i tij DJ Michael 25 vjeçar i befasuar filloi ta xhirojë të birin derisa po vallëzonte nën ritmin e muzikës së tij të preferuar.

Holly 20 vjeçare, nëna e Fredit të vogël, deklaroi se Michael e ka incizuar të birin për tua treguar shokëve se ai vërtet është i talentuar.

Shpejt videoja përfundoi në YouTube me titull “Fred The Raver”, ndërsa britaniku dyvjeçar bëri shumë adhurues. Përveç lëvizjeve të vallëzimit, Fred befasoi adhuruesit edhe me grimasat e tij.

Nëse dëshironi të keni buzëqeshje shkëlqyese, zgjidhja e përkryer për ju është LED aparati për dhëmbë. Kjo shpikje bizare u bë hit në Japoni, ndërsa e bartin të gjithë, të rinj e të vjetër, pa marrë parasysh se sa dhëmbë kanë në gojë.

Bëhet fjalë për një aparat të thjeshtë LED i cili duket si mbrojtës i dhëmbëve dhe nëse dëshironi buzëqeshje të shndritshme këtë aparat vetëm futeni në gojë.

Së bashku me aparatin LED vjen edhe telekomanda, me të cilën mund të kontrolloni dritat në dhëmbë, t’i ndalni, t’i lëshoni dhe tua ndryshoni ngjyrat.

Shkollaret japoneze po çmenden pas këtij zbulimi i cili reklamohet si “argëtim për gojën tuaj” dhe prodhuesi mezi po arrin t’i përmbushë kërkesat e shitjes.