Amerikë – Një gjarpër duke u vërtitur në një nënstacion elektrik gjatë së enjtes ka lënë pa drita rreth 1400 shtëpi në anën veriperëndimore të shtetit të Oklahomas.
Lajmi është bërë i ditur nga zyrtarët lokalë të cilët pyetjeve të banorëve i janë përgjigjur me ndodhinë e gjarprit trazovaç.
Black out-i në zonë ndodhi rreth orës 2 të mëngjesit kur gjarpri preku një rrjet elektrik duke e dëmtuar, dhe për pasojë vendi mbeti pa drita.
Sipas autoriteteve mendohet se gjarpri ishte futur në nënstacion si pasojë e reshjeve të shiut që binin përjashta. Madje u raportua se nuk përcaktohet se çfarë lloj gjarpri ka shkaktuar këto probleme pasi në të tilla situata shumë pak gjurmë mbeten në vendngjarje. Por diçka është e sigurt, se problemet që burojnë nga gjarpri nuk të shkaktohen vetëm nga pickimi.