I ftohti në Europën Qendrore e Lindore ka shtuar numrin e viktimave që llogaritet tashmë në 164 jetë të humbura për shkak të ngricave, ndërsa dëbora e madhe dhe temperaturat shumë gradë nën zero kanë përfshirë pjesë të tëra të rajonit.

Dara e acarte ka bere qe ne vende si Ukraina apo Italia, termometri te zbrese ne nivele rekord. 11.000 banore te nje fshati te larget malor te Serbise kane mbetur te bllokuar. Te pakten 6 jane te vdekurit nga i ftohti ne kete vend dhe sherbimet e emergjences shprehin shqetesim, sidomos per situaten e te moshuarve dhe te semureve. Dhjetera vdekje raportohen ne Ukraine.

"Nje pjese e viktimave kane ngrire neper rruge", thone raportet ne media, dhe vetem nje numer i vogel kane mberritur ne spital me shenja hipotermie. Streha te perkohshme jane ngritur ne te gjithe vendin ku njerezve u ofrohet edhe ushqim i ngrohte. – 33 grade celsius ka shenuar termometri ne zonat perendimore dhe –27 ne kryeqytetin Kiev. 9 persona te tjere humben jeten gjate nates ne Poloni, ku temperaturat mberriten ne –32 grade, duke e çuar ne 29 totalin e vdekjeve qe prej fillimit te ngricave javen e kaluar.

10 jane viktimat ne Bullgari, 8 njofton Rumania, ndersa vdekje nga i ftohti jane shenuar edhe ne Republiken Çeke e Letoni. Nje 83-vjeçare u gjet e ngrire ne nje pyll te Austrise, pasi kishte rreshqitur duket gjate shtetitjes se saj te perditshme dhe nuk kishte arritur te ngrihej. Dy jane viktimat e te ftohtit ne kete vend.

Në Itali, qindra vete u bllokuan në banesat e tyre, ndërsa temperaturat nën zero dhe reshjet e borës ndërprenë qarkullimin në hekurudha, rrugët dhe aeroporte. Moti i ftohtë i zuri shume europiane ne befasi pasi ne mjaft zona, ky dimër filloi jashtëzakonisht i bute, me temperatura gati pranverore.