Një arkeolog i Universitetit Bristol në Britaninë e Madhe, pretendon se ka gjetur gjurmët më të lashta të zbuluara ndonjëherë në tokë, që datojnë 14 mijë vjet më parë.
Sipas arkeologut George Nash, bëhet fjalë për një gërvishtje të bërë nga njerëzit e lashtë, në një prej shpellave në Uellsin perëndimor, fakt ky që vërteton se ato jetonin në këto zona që në “Epokën e Akullnajave”. Sipas Nash, gërvishtja është realizuar përmes një guri stralli, ndërsa shenja e lënë në shpellë është një skemë jo shumë e qartë.

Arkeologu Nash rrëfen se këtë zbulim e ka bërë në Shtator të vitit 2010, gjatë një ekspedite me studentët e tij në këto shpella.