NË PREKAZ

ZË FILL LIRIA

Kosovë- zemra e Dardanisë

shumë pushtues të janë vardisë

saherë ata janë dalldisë

grusht të rëndë kanë marrë n´Drenicë

edhe tash-një shekull pas

iu bë varri në Prekaz

në Prekaz u mund robëria

në Prekaz zë fill liria

Jasharajt matën trimërinë

pa pushtues e bënë Shqipërinë

PLAGË NË ZEMËR

Kam një plagë
më djeg shumë
më djeg zgjuar
më djeg në gjumë.

Më djeg në zemër
e dashur nanë,
më dhemb në shpirt
e dashur Dardanë.

NË SHTUTGART

Saherë shkoi në Shtutgart
dëgjoi tinguj të kitarës
më ndjek melodia e një kënge
dhe zëri i Jusuf Gërvallës

NË SHTUTGART

Saherë shkoi në Shtutgart
dëgjoi tinguj të kitarës
më ndjek melodia e një kënge
dhe zëri i Jusuf Gërvallës

SHQIPONJA
DO TË FLUTUROJË E LIRË

Një zë thotë
e ke kot.

Ta bëjmë me dije
nata jonë s´është pa yje.

Pa shqiponja
s´janë këto pyje.

Tash po vjen një kohë e mirë
Shqiponjat do të fluturojnë lir

ROZAFA

Një legjendë
një emër
mbi supe bart
një kala,një femër.

Mendoni pak:
guri pikon qumësht
zemra pikon gjak!

Njeri
mos lejo më kurrë
fëmiu të mbesë pa nënë
e nëna të bëhet gur.

POETI

Nuk e di
nëse trupi i pikon gjak
brenda tij
kallet një oxhak!

Në mes mallit e dhembjes
urnë që kallet
digjet në heshtje-bëhet prush
dhembjet e tij
s´i kupton askush!

VALLË,SI QENKA JETA?!...

Valë,valë
moj valë lumi
nuk fle dot
nuk më zë gjumi
n´kokën time
vetëtima të m´dhaja
ma rrëmbyen gjumin
nga qepalla.

Buzë lumit tënd
sapo kam ardhë
m´i merr hallet
ti o valë.

Përgjigjet lumi
ti or mik
s´mund t´i barti
jam i lig,
nëse duhet
të t´i barti
do të fryhem
s´më zë shtrati.

Det o det
i thelli det
ndër ujëvara
ti je mbret
kam një brengë
që më rëndon
vala jote
më trazon.

Vala ime
s´ka fuqi
të ta heq
atë dhimbje ty.

Fushë o fushë
oj zonjushë
mermë ca halle
po të duash.

Më tha fusha
s´mund t´i ndali
s´i durojnë dot
lulet as bari.

Mal o mal
i madhi mal
më ndihmo
të heq këtë mall.

S´mund ta marr
edhe po desha
është i rëndë
sé mban dot bjeshka.

Vallë,si qenka
kështu jeta
gjithkush rroka
me halle t´veta!

pergezime shum tbukra kto qe ke shkruar ti