Në vazhdën e përmbylljes së kampionateve kombëtare në Kontinentin e Vjetër është edhe ai holandez që njohu të mërkurën në mbrëmje kampionin më të ri, Ajaksin e Amsterdamit.

Ky ishte kampionati 31-të për amstërdamasit, që mundën 2-0 VVV Venlo për të siguruar fitoren matematike të titullit.

Me këtë fitore Ajaksi bëhet i paarritshëm për Feyenordin e vendit të dytë, një javë para përfundimit të kampionatit. Gjashtë pikë ndajnë dy ekipet tashmë.

Për t’i dhënë këtë triumf Ajaksit, mendoi mesfushori Siem De Jong që shënoi një dygolësh, nga një për çdo pjesë.

E mjaftueshme kjo për të nisur festën në “Amsterdam Arena”.
tch