Lionel Mesi pranon se ndihet i lënduar nga akuzat se nuk përkushtohet kur luan me Argjentinën po aq sa me Barcelonën. 24-vjeçari cilësohet si lojtari më i mirë në botë falë performancës me klubin spanjoll, por në atdheun e tij kritikohet se duhet të bëjë më shumë për kombëtaren.

Disa prej këtyre zërave pretendojnë se diferenca për sa i përket cilësisë së performancave me Seleçaon vjen si pasojë e mungesës së patriotizmit nga ana e futbollistit që u transferua në Barcelonë që kur ishte 12 vjeç. Aludime që e lëndojnë Lionel Mesin, siç e pranon vetë argjentinasi në një intervistë për prestigjiozen “Time”, duke u bërë i pari futbollist që zë kopertinën e revistës me famë botërore. “Po, po, këto aludime me lëndojnë, pasi ato që thuhen, nuk janë të vërteta. Kurrë nuk e kam ndier dhe as nuk e kam menduar këtë.

Mendoj se njerëzit duhet ta kuptojnë se kjo është një lojë skuadre dhe se unë përpiqem të luaj njësoj siç bëj me Barcelonën dhe gjithmonë përpiqem të jap më të mirën”.