Me nje fitore jo edhe aq te lehte kunder Granadas, Barcelona e ka ngushtuar ne pese diferencen e pikeve me Real Madridin ne tabelen e La Ligas. Blaugranet fituan me rezultat 5-3 ne takimin e te martes mbrema ne “Camp Nou”. Pas vetem kater minutash loje, Xavi Hernandez i kaloi vendasit ne epersi, ndersa asisti ishte i Leo Messit.
Futbollisti me i mire ne bote e dyfishoi epersine ne minuten e 17-te dhe me kete rezultat skuadrat shkuan ne pushim. Ne gjysmen e dyte, mysafiret u kthyen ne loje. Pas nje gjuajtje te lire te Carlos Martins, Maniz e shenoi golin e pare per Granadan (55’). Nderkaq, Guilherme Siqueira e barazoi rezultatin nga pika e bardhe (62’).

Mirepo, Lionel Messi e ktheu lojen ne favor te Barcelones (67’) me golin e tij te 233-te me fanellen blaugrane, duke thyer keshtu rekordin e Cesar Rodriguez dhe duke shkruar historine. Nje goditje te Messit e mbrojti portieri mysafir, por aty ishte Tello per ta shenuar golin e katert te vendasve (82’).
Magjia Messi kompletoi het-trikun e tij me golin e 34 ne La Liga kete edicion (86’). Granada shenoi edhe nje here nga penaltia me ane te Guilherme Siqueiras (89), ndersa Dani Alves u perjashtua me kartonin e dyte te verdhe.