Flet Dr.Kim Drasa: Si mund të trajtohen pacientët me Over Aktiv Blader dhe me zmadhim të Prostatës

Gjatë tetorit 2011 u zhvilluan tre Kongrese Ndërkombëtare të Urologjisë. I pari ishte kongresi i Evropës Juglindore (SEEM), që u mbajt në Shkup, i dyti dhe më i rëndësishmi ishte Kongresi Vjetor Botëror i Urologjisë që u zhvilluanë Berlin dhe i treti ishte Kongresi Vjetor i Evropës Qendrore (CEM), që u mbajt në Timishoara në fund të tetorit. Urologu shqiptar Kim Drasa, doktor i shkencave mjekësore, sekretar i Përgjithshëm i Shoqatës Urologëve Shqiptarë ishte përfaqësues i Shqipërisë në këto kongrese.

Në kongresin e Shkupit ku morën pjesë rreth 350 urologë, mjeku shqiptar paraqiti një punim që kishte të bënte me trajtimin e pacientëve që vuajnë nga një sëmundje shumë e bezdisshme që quhet Over Aktiv Blader (OAB-vezika urinare shumë aktive) dhe shoqëruar me Prostatë normale ose të zmadhuar. Studimi konsistonte në trajtimin e 41 pacientëve me këtë patologji.



Dr.Kimi, pacientët me OAB, çfarë shqetësimesh paraqesin?

Këta pacientë kanë këto shenja: 1. urinim të shpeshtë 2. urinim me urgjencë 3. urinim me ose pa inkontinence (pra lagen para se të mbërrijnë në tualet). Në trajtimin e 41 pacientëve shqiptarë u përdorën dy ilaçe në të njëjtën kohë Avodart dhe Vezikare. Ky mjekim konsiston në uljen dukshëm të shpeshtësisë se urinimit si ditën dhe natën, eliminimi urgjencës për të urinuar, si dhe heqjen e lagies, pra arrin të kontrollojë urinimin.



Në materialet e Kongresit të Berlinit, shohim një studim në trajtimin e pacientëve me zmadhim të prostatës. Çfarë duhet të kenë parasysh pacientët që vuajnë nga kjo sëmundje?

Në Kongresin e Berlinit morën pjesë rreth 4 mijë urologë nga e gjithë bota, nga Amerika në Australi. Studimi që paraqita aty kishte të bënte me një risi në trajtimin e pacientëve me zmadhim të Prostatës (HBP) dhe me ose pa probleme serioze të Disfunksionit Erektil (Impotencë), këta pacientë nuk arrijnë kryerjen normale të aktit seksual. Ky është i një rëndësie të madhe dhe se u arrit në konkluzionin se sa më në rregull të jesh me probleme seksuale aq më mirë përmirësohen problemet e zmadhimit të prostatës (HBP), brenda tre muajve. Ka ekzistuar mendimi se sa më shumë seks aq më shumë vuan nga HBP. Ky studim e përmbysi këtë mendim dhe paraqiti që është e kundërta pra u arrit në konkluzionin: sa më shumë raporte seksuale aq më pak rrezikohesh nga HBP. Pacientët u trajtuan me Cialis (Tadalafil) për tre muaj. Cialisi është më efektiv dhe më i pranueshëm se Viagra e Levitra. Cialisi mund të pihet çdo ditë pa shkaktuar efekte anësore. Veprimi i tij zgjat 36 orë, pra mund të pihet në drekë dhe të kryhen marrëdhënie në darkë ose ditën tjetër në mëngjes. Po ashtu mund të merret medikamenti pa lidhje me ushqimin. Me fjalë të tjera, vetëm me marrjen e një tablete Cialis, janë 36 orë në dispozicion për raportet seksuale.





Dr.Drasa: Urologjia, shkencë më vete, prostata nuk mund të kurohet kudo



Mes 480 urologëve të mbledhur në Timishoara të Rumanisë, kanë qenë edhe dy mjekët shqiptarë Dr. Shk. Mjek Kim Drasa dhe Prof. Dr. Besnik Bara, Dekan i Fakultetit të Lartë të Infermierisë. Ata kanë paraqitur studimin me temë: Burrat me çrregullime të Traktit të Poshtëm Urinar (LUTS), që shkaktohen nga çrregullimet e Prostatës, Vezikës Urinare, Sfinkterit të Vezikës Urinare dhe lidhja që këto kanë me Hipertensionin Arterial (HTA). Studimi arriti në përfundimin që pacientët e mësipërm janë më të rrezikuar për keqësimin e gjendjes se përgjithshme dhe çrregullimeve të urinimit. Sa herë që mjekohen këta pacientë për zmadhim të Prostatës, duhet të kihet parasysh detyrimisht kjo lidhje që të bëhet sa më rezultativ mjekimi.

“Mesazhi është që të gjithë pacientët, si dhe gjithë institucionet mjekësore duhet të kuptojnë se Urologjia është shkencë me vete. Ajo kryhet vetëm nga Urologët. Pacientët me problemet e Prostatës duhet të vizitohen vetëm nga urologët, – thotë Dr.Drasa.

Meshkujt, frikë nga prostata

Një në dy burra mbi të pesëdhjetat ka shqetësime prostate. Me problemet gjatë urinimit vjen ankthi: A është kjo normale? Kush apo çfarë më ndihmon tani? Përgjigjet për pyetjet më të rëndësishme.
Marrëdhëniet pacient-urolog po përmirësohen. Nga njëra anë mjekët e kanë kuptuar se tema si urinim i pavullnetshëm (inkontinenca) apo impotenca janë shumë të rëndësishme për pacientët. Nga ana tjetër gjithmonë e më shumë njerëz janë të ndërgjegjshëm për sëmundjet e prostatës.
Ata e dinë se çfarë problemesh mund të sjellë gjëndra e prostatës, e vogël sa një gështenjë poshtë fshikëzës së urinës dhe kujdesen për të.
Kryesisht nuk është tumor, por rritje beninje (jo e rrezikshme), e ngadaltë e gjëndrës, e cila mundon shumë njerëz. Herët a vonë ajo prek çdo burrë: tek të pesëdhjetat ajo prek një në dy persona.
Rritja e prostatës çon në atë që të prekurit të përjetojnë tërësisht të kundërtën e urinimit të pavullnetshëm: Ata nuk mund të urinojnë. Prostata e rritur shtyp rrugët urinare (uretrën) gjithmonë e më shumë.
Në këtë mënyrë nga një urinim i rrjedhshëm dhe i bollshëm arrihet vetëm në pika derisa bllokohet plotësisht. Vajtja në tualet kthehet në një torturë. Për shkak se fshikëza e urinës nuk boshatiset më siç duhet, të shqetëson ndjenja që ke nevojë pa pushim për të shkuar në tualet.

Jo më temë e sikletshme
Kjo i bën shumë burra të dyshojnë në burrërinë e tyre. Deri para pak vitesh burri më mirë heshtte për problemet e tij për në tualet.
Por sot informimi gjithmonë e më i madh po tregon ndryshim. Dhe kjo është shenjë e mirë, pasi vuajtjet e neglizhuara nga prostata mund të bëhen mjaft të rrezikshme:Urina e mbetur në fshikëz është një vend ushqyes ideal për bakteret, të cilat shumohen aty pa asnjë pengesë.
Si pasojë: përhapet një inflamacion, indi i prostatës enjtet më tej dhe kështu përkeqësohet edhe më urinimi – një rreth vicioz. Urina e ngelur favorizon edhe krijimin e gurëve në fshikëz.
Një shenjë tipike për këtë është kur urinimi ndërpritet papritur. Në rastin e një bllokimi të plotë të urinës fshikëza tendoset jashtëzakonisht. Enjtja shkakton dhimbje të forta. Ajo ndikon edhe funksionin e veshkave dhe mund të çojë në dëmtime të përhershme.
Për të tri rastet vlen të konsultohet mjeku për ndihmë. Fillimisht ai kontrollon nëse këto shqetësime vijnë nga një ndryshim malinj (tumor i keq) i prostatës. Atëherë kur ky përjashtohet, fillon terapia. Në rast ankesash të lehta ndihmojnë përbërës bimor: për shembull fara kungulli, hithra, thekra, pasi fitosteroli që gjendet tek to përmirëson urinimin.
Çfarë ndodh në një zmadhim prostate?
1. Për shkak të indit të fryrë ngrihet dyshemeja e fshikëzës së urinës dhe kështu nuk arrihet të zbrazet plotësisht fshikëza. Një tjetër pasojë:2. Uretra shtypet gjithmonë e më shumë. Rrjedhja e urinës pakësohet

Gabimet më të mëdha
1: Qëndrimi ulur në të ftohtë për kohë të gjatë. Asgjë tjetër nuk e dëmton prostatën më shumë sesa qëndrimi ulur për një kohë të gjatë, temperaturat e ulëta dhe konsumi i lartë i alkoolit. Kështu nuk rritet vetëm rreziku për një infeksion të traktit urinar dhe për Prostatë, por edhe për bllokim të plotë të urinimit (anuri). Ngrohtësia, p. sh. një banjë me kamomil, përkundrazi është shumë qetësuese.
2: Të shtysh për më vonë nevojën për urinim. Kush e shtyn për më vonë nevojën për urinim tendos dhe irriton fshikëzën e urinës. Edhe ky gabim rrit rrezikun për një bllokim të plotë urinimi. Më mirë: Shkoni rregullisht në tualet dhe zbrazeni plotësisht fshikëzën e urinës.
3: Vizita e vonuar tek mjeku. Studime tregojnë se përafërsisht një në tre burra me shqetësime prostate trajtohet nga mjeku. Sa më herët të fillojë një terapi, aq më të mëdha janë shanset për të qetësuar shqetësimet dhe të shtyhet një operacion i mundshëm. Në rast se keni dhimbje në pjesën e fundit të barkut apo në vendndodhjen e veshkave duhet të konsultoheni menjëherë tek mjeku.

Kanceri i prostates është njëri nga kancerët që më së shpeshti diagnostikohet tek burrat. Ja si mund të zvogëloni rrezikun ndaj kancerit të prostatës – nuk kërkon më shumë se 30 minuta kohë në ditë.

Kanceri prostatës është shkaktari i dytë kryesor i vdekjes tek meshkujt dhe se një prej njimbëdhjet meshkujve do të ketë kancer të prostatës gjatë jetës së tij. Statistika jo aq të mira! Fatmirësisht, me disa ndryshime të thjeshta dhe të lehta të mënyrës së jetesës njeriu mund të zvogëloj rrezikun që të përballet me këtë sëmundje.

Me 30 minuta në ditë ju mund të keni prostatë të shëndetshme.

Ky është lajm i mirë për ata të cilët pëlqejnë të dalin në sheti jashtë në ambient. Ju mund të ulni rrezikun që të keni kancer të prostatës për dy të tretat 2/3 thjeshtë duke ecur për minimum 3 orë në javë. Një studim që është publikuar në Journal of Urology tregon se njerëzit të cilët ecnin mes 3 deri 6 orë në javë kishin shkurtuar rrezikun e kancerit në prostatë për 66 përqind. Ecja për 30 minuta çdo tjetrën ditë me nga një ditë pushim mjafton për ti arritur këto dobi shëndetësore. Shumica e njerëzve gjejnë kohë ne orarin e tyre të ngarkuar për të bërë këtë ecje – jo thjeshtë për shëndetin e prostatës por edhe për shëndetin e zemrës.
Pse ecja zvogëlon rrezikun e kancerit të prostatës?

Akoma nuk dihet, apo më mirë të them, akoma nuk është e çartë pse ushtrimet zvogëlojnë rrezikun e kancerit të prostatës. Një ide ka të bëj me atë se ushtrimet e rregullta nxisin ndryshime biokimike që zvogëlojnë inflamacionin. Inflamacioni besohet të rris rrezikun e disa llojeve të kancerit. Disa studime tregojnë se njerëzit që marrin medikamente për të bllokuar inflamacionin, si medikamentet non-steroide anti-inflamacion, kanë rrezik të zvogëluar ndaj kancerit të prostatës. Sidoqoftë, këto medikamente nuk duhet të përdoren për atë qëllim pasi që mund të kenë efekte anësore serioze.
Ha mirë për prostatë të shëndetshme

Edhe dieta luan rol në shëndetin e prostatës. Një studim i bërë nga universiteti John Hopkins ku janë përfshirë 84.000 njerëz ka treguar se meshkujt që shtonin më shumë se 5kg gjatë një periudhe 10 vjeçare dyfishonin rrezikun që të kenë kancer të gjëndres së prostatës – ata që shtonin peshë më shumë se aq kishin rrezik edhe më të lartë. Të hash një dietë e cila është me pak kalori dhe e pasur me shumë pemë dhe perime shpie që të kesh prostatë më të shëndetshme. Kjo lloj diete ka efekte “anti-inflamacion”, përderisa ushqimi i keq, ushqimet e shpejta, dhe ato të cilat jjanë me sasi të lartë të sheqerit dhe trans-yndyrave rrisin inflamacionin dhe kështu ndoshta edhe rrezikun e kancerit të prostatës.

30 minuta të ecjes në çdo të dytën ditë jo vetëm se zvogëlon rrezikun që kanceri i prostatës te shmanget por, gjithashtu ndihmon që mos të shtoni peshë që llogarite si një faktor tjetër i kësaj sëmundje. Ecja e rregullt është njëra ndër gjërat më të mira që mund të bësh për shëndetin e prostatës. A nuk është koha të mbathesh dhe të dalësh për një ecje? //keshilla

Këshilla për të shmangur kancerin e prostatës
1.HANI NJË DIETË ANTI INFLAMATORE
Sipas Dr. Karen Lamphere, shumë sëmundje kanë një etimologji që përfshin inflamacionin. Gjëndje si artriti, sëmundjet inflamatore të zorrës, asma , alergjitë, sëmundjet e zemrës, Alzheimer, diabeti dhe kanceri mund të përmisohen ose përkeqësohen në varësi të ushqimit të një personi. Dr. Berry Sear pajtohet: “Një faktor kyc për uljen e rrezikut të kancerit të prostatës tek meshkujt është ulja e inflamacionit të heshtur, pasi është inflamacioni i heshtur në nivel qelizor që zhivllon të gjithë llojet e kancerave.

kanceri i prostates
2. KONSUMONI MË PAK KALORI
Vec ushqimit anti inflamator në një bazë të përjetshme, Dr. Sears rekomandon dhe të konsumoni më pak kalori. Ulja e kalorive jo vetëm do t’ju ndihmojë të bieni nga pasha, por mund të ketë dhe një impkat dramatik të uljen e inflamacionit.

3. PËRDORNI OMEGA 3-TË
Një komponent tjetër që mendohet së ul ndjeshëm inflamacionin, është konsumimi në nivele të përshtatshme të acideve yndyrore omega 3. Këto mund të gjenden më së shumti tek peshqit me yndyrë si salmon, skumbri dhe toni e gjithashtu tek vaji i peshkut. Omega 3 gjenden dhe në sasi më të vogla tek arrat dhe farat4.RRISNI ZINKUN
Sasi të vogla zinku( 15- 30 miligram/ ditë) janë jetike për një shëndet normal për prostatën. Gjithsesi duhet pasur kujdes se nëse teprohet me mineralet mund të dëmtohet shëndeti i prostatës. Sipas një studimi të fundit nga shkolla e mjeksisë së Harvard tregon se marrja e zinkut në sasi më shumë se 100 miligram në ditë lidhet me kancerin e prostatës. ” Kjo mund të jetë nga inflamacioni që krijohet nga përdorimi i tëpërt i zinkut- thotë Dr. Sears.

5. BËNI USHTRIME
Një dietë anti- inflamatore e kombinuar me aktivitet fizik të përditshëm mund të ulë inflamacionin në trup që con në kancerin e prostatës. Humbja e peshës kur lidhet me një dietë të shëndetshme dhe ushtrime fizike ulin gjithashtu mundësinë e zhvillimt të sëmundjes6. KONTROLLOHUNI
Sipas shoqatës amerikane të kancerit meshkujt duhet të bëjnë kontroll për prostatën cdo vit pas moshës 50 vjec. Meshkujt të cilët e kanë në historinë e familjes, duhet të fillojnë të kontrollohen që në moshën 45 vjec. Kanceri i prostatës mund të trajtohet nëse zbulohet në fazë të hershme.