Një varg për ty

Dua ta shkruaj
një varg për ty
unë

Ah unë
që nuk di të fshihem
pas imazhesh

Kam vetëm një fytyrë
dhe ty n’zemrën time
të ndryrë

Përballë më ke
të zhveshur
lakuriq si dielli

Kësaj nate sterrë
dua ta shkruaj një varg
përbrenda shpirtit
për ty

S’kam frikë
madje as vdekjen
s’e kam parë
kur fshihej pas krahëve
si imazhi yt
i mistershëm

Për çudi
është herë e parë
që nuk të njoh
dhe nuk kam frikë
pos verbimit

Nëse nuk shkruaj
nëse nuk t’shoh ty


Ndodh

Ndodh ndonjëherë
të ndihem hije
ta prek trupin
mos ta ndiej
si nëpër ëndrra ec
mbi dete e mbi qiej

Ndodh ndonjëherë
të shoh silueta njerëzish
e mos t’i njoh fytyrat e tyre
e i kam afër
mund t’i prek
e mos t’i ndiej

Ndodh
ndonjëherë
ndodh

Myrvete Osmani