Indi – Një ekip shkencëtarësh nga Mumbai do të niset të hënën e javës së ardhshme në Nagpur për të hetuar dhe studiuar ndikimin, që pati shiu i një meteori të madh në rajonin e Katol që dëmtoi disa shtëpi, të martën e 22 majit 2012.

I quajtur përkohësisht “Vinoba Meteorite Shower 2012″, ekipi do të përpiqet të provojë nëse një krater është formuar në rajon, duke mbuluar një distancë prej rreth 200 kilometra katrorë, ka thënë Bharat Adur, kreu i Akash Ganga Centre for Astronomy (AGCA), Thane.

“Fenomeni i topave të zjarrit nga qielli u shoqërua me zhurmën e një si tip shpërthim të madh, siç është dëshmuar nga shumë njerëz të martën në mbrëmje rreth orës 5 pasdite (ora lokale). Shiu ka udhëtuar në drejtim të lindjes dhe ishte i pari shi meteorësh që u regjistrua në rajonin e Vidarbha (Maharashtra)”, i ka raportuar Adur IANS (Indo-Asian News Service).

Ekipi i GSI (Geological Survey of India, i cili tashmë ka mbledhur disa mostra, do të kontrollojë të gjithë zonën gjatë dy ditëve të ardhshme, ka shtuar ai.

Adur ka deklaruar se shiu i meteorëve u shoqërua me dridhje të tokës 2,1 ° të shkallës Rihter, por është e paqartë nëse efekti kumulativ i meteorëve ka krijuar tërmetin apo se ishte një rastësi (“dush” meteorësh dhe tërmet në të njëjtën kohë).

Adur ka deklaruar gjithashtu se Drejtor i përgjithshëm i GSI (Central Region) Binok Kumar dhe tre shkencëtarë të tjerë kanë mbledhur mostra të vogla meteoritësh për studime shkencore dhe, tani, ekipi do të shkojë direkt në Mumbai për të bërë studimet e veta të pavarura.

“Ata kanë konfirmuar se mostrat janë me të vërtetë pjesë meteoritësh dhe kjo i shton sfidat që do të ndodhin pas analizave të tyre fizike, kimike dhe moshës që mund të përcaktohet duke përdorur metodat radioisotopike,” ka deklaruar Adur.

Drejtori i Departamentit të Gjeologjisë, G. Suresh, nga një kontroll paraprak tregoi se pjesët e mbuluara me të zezë ishin pjesë e një “shkëmbi meteor” dhe janë të pasura me silikate të vogla të hekurit dhe nikelit. Një nga mostrat e marra kishte përmasat 9.5x9x9.5 cm. Ajo peshonte rreth 700 gram dhe besohet të ketë shkaktuar një vrimë në tokë me përmasa 8x7x10 cm.

Sipas Adur, pjesët i përkasin një masë të madhe me diametër prej rreth 30 metra, të cilat mund të kenë rënë nga një asteroid në lëvizje dhe ka hyrë në atmosferën tokësore.

“Copëzat janë shpërbërë menjëherë pas hyrjes në atmosferën tonë dhe meteoritët kanë goditur me një shpejtësi prej më shumë se 17 kilometra për sekondë. Nëse ai nuk do ishte shpërbërë, efektet mund të ishin katastrofale për disa pjesë të Nagpur dhe disa zona të tjera”, ka shtuar shkencëtari./noa