Një polic trafiku në Hanoi të Vietnamit është bërë i njohur në gjithë botën, pasi ka rrezikuar jetën e vet, vetëm për t’i vendosur një gjobë drejtuesit të një autobusi. Aq i devotshëm është treguar ky polic, sa ka rrezikuar edhe jetën e vet.

Punonjësi i policisë e kishte ndaluar autobusin dhe i kërkoi dokumentet shoferit. Por, ky i fundit nuk i është bindur, duke u larguar. Polici nuk është dorëzuar dhe është kapur pas fshirësve të autobusit. Kjo nuk e ka penguar shoferin që të largohet dhe madje ka ecur me një shpejtësi shumë të madhe, duke vënë në rrezik jetën e policit.

Gjithë skena është regjistruar njga një makinë tjetër. Pas disa kilometrave, polici heroic ka mundur të triumfojë, pasi shoferi ka ndaluar dhe tashmë pritet që të procedohet penalisht për mosbindje ndaj punonjësve të policisë.