Apple zbulon paraprakisht “Mountain Lion”, sistemi i ri operativ !

nga **$EB@$TJ@N** prej Mon 20 Feb 2012, 23:20

Apple ka lançuar një video paraprake, në të cilën flitet për “Mountain Lion”, sistemin operativ të azhornuar të kompjuterëve Mac.

Mountain Lion do të integrojë akoma më shumë në kompjuterët Apple karakteristikat e iPhone dhe të iPad.

Shtëpia e Cupertino ka njoftuar se Mountain Lion do të nxirret në shitje gjatë kësaj vere, rreth një vit distancë nga publikimi i versionit të fundit komplet OS X, “Lion”.

Mes të rejave, në Mountain Lion do të jetë e pranishme Game Center, aplikacioni për iPhone që ruan pikët e lojërave dhe i ndihmon përdoruesit të gjejnë online kundërshtar të rinj.

Azhornimi i sistemit do të integrohet me iCloud, shërbimi i arkivimeve online, që është lançuar vetëm pak muaj më parë, i cili u krijua posaçërisht për aparaturat e Apple.

Mountain Lion do të përfshijë dhe aplikacionin e ri Messages, edhe pse mbart iOS, ai do të zëvendësojë programin e vjetër iChat.

Përdoruesit e Lion mund të shkarkojnë pa asnjë pagesë prezantimin e aplikacionit.

Në Mountain Lion ndër të tjera do të prezantohet dhe një qendër shënimesh, që do të paraqesë njoftime që vijnë në email apo për skadencën e shërbimeve të ndryshme, pak a shumë si në iPhone.