Videoja në të cilën shihet një fëmijë katërvjeçar të cilin prindërit e detyruan të vrapojë nëpër borë gati se lakuriq në temperatura shumë të ulëta, ka zgjuar reagime të ashpra në internet.

Babai i fëmijës po përpiqej ta mësonte djalin e tij të bëhej më i fortë dhe më i durueshëm, ndërsa videoja ka nxitur një debat të ashpër.

Në videon të cilën e bëri dhe e postoi në internet babai, fëmija shihet duke vrapuar nëpër borë vetëm me të brendshme dhe atlete dhe me lot në sy shihet duke e lutur të atin që ta marrë në dorë. Të dy prindërit kohë pas kohe e nxisin fëmijën që të shtrihet në borë, gjë që ai e bën pasi e ëma e detyron ta bëjë një gjë të tillë.

Babai i fëmijës He, shef i një ndërmarrjeje në Nankin të Kinës, e bëri këtë xhirim gjatë pushimeve në New York në kohën e Vitit të Ri Kinez, kur temperatura ishte minus 13 gradë celsius. Ai tha se po përpiqet ta bëjë djalin më të fortë pasi ai kishte lindur dy muaj para kohe dhe kishte disa probleme shëndetësore, si dhe ta mësojë me artet marciale, vallëzim, të ngasë biçikletën dhe të merret me alpinizëm.

Nëna e fëmijës tha se djali ka filluar të notojë rregullisht para një viti në ujin temperatura e të cilit është 21 gradë celsius.