Udhëtimet në hapësirë zakonisht duken të lehta në filma dhe televizion, por në realitet nuk është kështu.

Në një udhëtim të tillë astronautët ballafaqohen me komplikime të ndryshme shëndetësore. Dobësimit të muskujve, përkeqësimit të masës eshtërore, efekteve psikologjike dhe izolimit, shkencëtarët i kanë shtuar edhe dobësimin e lëkurës.

Shkencëtarët analizuan lëkurën e astronautëve Samantha Cristoforetti, Alexander Gerst dhe Luca Parmitano para dhe pas misionit të tyre në hapësirë.

“Shumë astronautë ankohen për probleme me lëkurën dhe ne duam të dimë se çfarë po ndodh” transmeton Koha.net deklaratën për Reuters të udhëheqësit të këtij studimi, profesor Karsten Koenif nga ‘Departmenti i Biofotonikës dhe Teknologjisë me Laser’ në Saarland University.

Është vërejtur që astronautët kanë më shumë kolagjen, proteina më e rëndësishme strukturale e organizmit tonë. Si rezultat epiderma e astronautëve është tkurrur për 20 për qind. Shkencëtarët ende nuk kanë ndonjë shpjegim.