Një nga qytetet e lashta të Egjiptit të Sipërm është edhe Abidos. Në kohët e lashta njihej me emrin Abdu, "kodra e simbolit ose mbajtësja e relikeve ", në të cilën ruhej koka e shenjtë e Osirisit. Grekët e quanin këtë vend Abidos.

Egjiptianët e lashtë besonin se varri i Osirisit, "Zoti i të Vdekurve dhe Botës së Nëndheshme", ndodhej në Abidos. Qyteti vetë ka qënë qendër për shumë tempuj të kohës.



Ndërtesa e cila qëndron ende në këmbë është tempulli i Setit I dhe njihet si Tempulli i Madh i Abidosit. Gdhendjet në këtë tempull të magjishëm janë të një cilësie të rrallë në të gjithë Egjiptin. Vetë ndërtesa është unike në arkitekturë dhe ka formën e gërmës "L" kokposhtë. Gjithashtu mban listën më të plotë të mbretërve dhe perëndive.

Tekstet e piramidave përshkruajnë konceptet e para të një jete të përtejme si një udhëtim të pafundëm me perëndinë e diellit mes yjeve. Mes këtyre teksteve të ritualeve të vdekjes, në fillim të distanisë së 4-ët gjendet fjalia "Një dhuratë që jep mbreti dhe Anubis". Deri në fund të dinastisë së 5-të kjo fjali në të gjitha varret ndryshon dhe shkruan "Një dhuratë që jep mbreti dhe Osiris".



Tempulli ka 7 faltore të dedikuara 7 zotave : Osiris, Isis, Horus, Amon Ra, Ra HorAkhty, Ptah dhe Seti I si një mbret i fyer. Në këtë të fundit gjenden një nga pllakat e pikturuara më të mirëmbajtura dhe teskte të dinastisë të 18-të.

Gjithashtu aty gjenden edhe 7 kishëza për të adhuruar faraonin dhe hyjni kryesore. Prapa tempullit gjendet një strukturë enigmatike e njohur si Osirion-i e cila mendohet të jetë e lidhur me adhurimin e Osirisit dhe që me shumë mundësi të çonte në Hipogjeumin për festimin e mistereve të Osirisit.






Në vitin 1848, një ekspeditë arkeologjike në Egjipt zbuloi hieroglife misterioze në tempullin e Setit të parë të cilat thuhet se tregojnë për pajisje teknologjike moderne si një helikopter, një nëndetëse, një zepelin dhe një deltaplan. Më mbresëlënësja është figura e helikopterit i cili ngjason me ato që sot i quajmë si "vinçat e ajrit", të cilët përdoren për të ngritur objekte si kontenierë apo pajime të rënda ushtarake.



Tek Osirion-i, në strukturën e saj është edhe "Lulja e Jetës", një figurë e gdhendur 6 000 vjet më parë. Kjo pjesë e tempullit ka qënë nëntokësore. Muri verior i tempullit të Setit ishte e dedikuar me pasazhe nga "Libri i Portave" , jeta e përtejme dhe ringjallja. Këto dhoma, dikur të nëndheshme, janë nga më të lashtat e rrënojave egjiptiane. Simboli i Lules së Jetës është e gdhenur me përpikmëri lazeri në blloqe graniti të cilat vetë sot nuk jemi në gjendje ta replikojmë.




Përmasat e stërmëdha të blloqeve të kuqe të granitit dhe të kollonave të përdorura në ndërtimin e tij ngjasojnë me strukturat e gurëve të stërmëdhenj të Mbretërisë së Vjetër, si Tempulli i Luginë dhe Tempullit të Sfinksit. Disa nga blloqet më të mëdha të gurëve peshojnë deri në 100 ton. Holli qëndror është i ndërtuar me gurë të thjeshtë por ka 10 kollona me granit të kuq secila 2.6 metër në diametër të cilat mbanin blloqet masive të tavanit. Osirioni është më i vjetër se vetë tempulli, ky i fundit është ndërtuar rreth vitit 1300 para erës tonë, me disa mijëra vjet. Ky tempull u ndërtua si një simbol i afrimitetit që kishte Seti me Osiris dhe ka në të një sarkofag por vetë Seti nuk është i varrosur këtu.