Forumi Kuq E Zi
10 fjalimet me te famshme ne histori Mirese10
Pershendetje vizitor i nderuar.
Me sa duket, ju nuk jeni identifikuar akoma ne faqen tone, ndaj po ju paraqitet ky mesazh per tju kujtuar se ju mund te Identifikohu qe te merrni pjese ne diskutimet dhe temat e shumta te forumit tone.

-Ne qofte se ende nuk keni nje Llogari personale ne forumin ton, mund ta hapni nje te tille duke u Regjistruar
-Regjistrimi eshte falas dhe ju merr koh maksimumi 1 min...
Duke u Regjistruar ju do te perfitoni te drejta te lexoni edhe te shprehni mendimin tuaj.

Gjithsesi ju falenderojme shume, per kohen që fute ne dispozicion për të vizituar saitin tonë.
Per cdo gje na kontaktoni ne Forumikuqezi@live.com
10 fjalimet me te famshme ne histori Regjis10


Join the forum, it's quick and easy

Forumi Kuq E Zi
10 fjalimet me te famshme ne histori Mirese10
Pershendetje vizitor i nderuar.
Me sa duket, ju nuk jeni identifikuar akoma ne faqen tone, ndaj po ju paraqitet ky mesazh per tju kujtuar se ju mund te Identifikohu qe te merrni pjese ne diskutimet dhe temat e shumta te forumit tone.

-Ne qofte se ende nuk keni nje Llogari personale ne forumin ton, mund ta hapni nje te tille duke u Regjistruar
-Regjistrimi eshte falas dhe ju merr koh maksimumi 1 min...
Duke u Regjistruar ju do te perfitoni te drejta te lexoni edhe te shprehni mendimin tuaj.

Gjithsesi ju falenderojme shume, per kohen që fute ne dispozicion për të vizituar saitin tonë.
Per cdo gje na kontaktoni ne Forumikuqezi@live.com
10 fjalimet me te famshme ne histori Regjis10
Forumi Kuq E Zi
Would you like to react to this message? Create an account in a few clicks or log in to continue.

Ju Mirpresim te gjithve ne forumin ton, ku do te gjeni argetim, humor, filma, lajme nga me te fundit, informacione nga me te ndryshmet, libra, programe per kompjuterin dhe shum e shum gjera te tjera. Per me shum ju ftojm te gjithve te REGJISTROHENI.....


You are not connected. Please login or register

Shiko temën e mëparshme Shiko temën pasuese Shko poshtë  Mesazh [Faqja 1 e 1]

E Sinqerta

E Sinqerta
Webmaster
Webmaster
Fjalimet e famshme nuk kane pse të jenë të gjatë për të qenë të mëdhenj Fjalimet e famshme nuk kanë pse të jenë të gjatë për të qenë të rëndësishëm. Këto fjalime të mëdha. Këto fjalime të famshme nuk kanë zgjatur me orë të tëra, por ama kanë lënë gjurmë të paharrueshme në histori, kanë shërbyer për të shembur sisteme, për të thyer dogma e për të zhvilluar marrëdhënie njerëzore. Një prej fjalimeve më të famshme në histori, ai i Wnston Churchill, ka qenë një fjalim i shkurtër dhe një ndër fjalimet më frymëzuese në histori.
Në fjalimin e tij të parë si kryeministër i Britanisë, Wnston Churchill e lidhi rezultatin e luftës ndaj nazistëve me mbijetesën e Britanisë. Në një prej betejave historike ai mbajti një fjalim, po aq historik. "Ju më pyesni se cilat janë politikat tona? Unë mund t'ju them: Është për të bërë luftë nga deti, toka dhe ajri, me gjithë forcën dhe fuqinë që Zoti mund të në japë; të bëjmë luftë kundër një tiranie monstruoze, e cila s'e ka kapërcyer kurrë errësirën, një katalog i vajtueshëm i krimit njerëzor. Kjo është politika jonë", tha Winston në fjalimin e tij. Po aq mbresëlënës është dhe fjalimi i famshëm i inaugurimit të John Kennedy. Në një fjalim të shkurtër, të cilin ai kaloi dy muaj për t'i dhënë formë, Kennedy 43-vjeçar, presidenti më i ri i zgjedhur dhe i pari katolik, theksoi rëndësinë e shërbimit kombëtar. Ndër vite, ky është konsideruar një si prej fjalimeve më frymëzuese, të cilin janë munduar të përtojnë shumë folës të njohur e të shquar. Rreshtat e tij të famshëm, "Të dashur patriotë amerikanë: mos pyesni se çfarë vendi juaj mund të bëjë për ju, pyesni se çfarë mund të bëni ju për vendin tuaj", kanë mbetur në histori.

Shprehjet më të famshme dhe me ndikim në historinë e njerëzimit

"Unë mendoj se ky është koleksioni më i jashtëzakonshëm i talentit, i dijes njerëzore, i cili është mbledhur ndonjëherë në Shtëpinë e Bardhë, me përjashtimin e mundshëm të rastit kur Thomas Jefferson darkoi vetëm", John F. Kennedy në një darkë me 49 fitues të çmimit Nobel, më 29 prill 1962.


"Taksa, e cila do të paguhet për qëllimin e arsimimit nuk është më shumë se një e njëmijta e asaj që do t'u paguhej mbretërve, priftërinjve dhe fisnikëve, të cilët do të ngriheshin ndërmjet nesh, nëse ne e lëmë popullin në injorancë", Thomas Jefferson

"Ne debatojmë për faktin se një komb që përpiqet ta taksojë veten drejt prosperitetit është si një njeri që qëndron i ulur mbi një kovë dhe përpiqet të ngrihet nga doreza e saj", Winston Churchill


"Tendenca e taksimit ka për qëllim të krijojë një klasë personash, të cilët nuk punojnë, të marrë nga ato që punojnë prodhimin e asaj pune dhe t'ua japë atyre që s'punojnë", William Cobbett

"Është taksa e të ardhurave sërish, amerikanë: koha për të mbledhur ato fatura, nxirrini ato formularë taksash, mprihni lapsat dhe nguljani vetes drejt e në aortë", - Dave Barry


"Zgjedhjet duhet të mbahen më 16 prill, ditën pasi ne të paguajmë taksën e të ardhurave. Kjo është një prej atyre pak gjëra që mund t'i pengojë disi politikanët që të shpenzojnë aq shumë sa e kanë zakon", Thomas Sowell


"Janë thënë shumë gjëra për politikën; disa prej tyre janë thjesht mikluese, ndërsa pjesa më e madhe janë të vërteta", Eric Idle


"Një politikan profesional është një njeri i çnderuar profesionalisht. Për të kapur një post sa më të lartë, atij i duhet të bëjë aq shumë kompromise dhe të pësojë aq shumë poshtërime, saqë në fund nuk ka ndonjë ndryshim të madh me një prostitutë", H.L. Mencken


"Në Gjermani, sipas ligjit ndalohet çdo gjë përveç atyre që lejohen. Në Francë, sipas ligjit lejohet çdo gjë përveç atyre që janë të ndaluara. Në Bashkimin Sovjetik, çdo gjë është e ndaluar, përfshi këtu dhe ato që lejohen. E në Itali, sipas ligjit lejohet çdo gjë, sidomos ato që janë të ndaluara", Newton Minow



"Politika përbëhet nga dy fjalë, 'poli', e cila është fjalë greke dhe do të thotë 'shumë' dhe 'tik', një lloj insekti gjakpirës", Gore Vidal

"Kur isha thjesht një djalosh më thanë se çdokush mund të bëhej president. Tani që jam rritur, po filloj ta besoj", Clarence Darrow


"Çdo burrë për qenë do të turpërohej nga qeveria që drejton vendin e tij", H.L.Mencken

"Është e rrezikshme të kesh të drejtë, kur qeveria është gabim", Volteri


"Në kapitalizëm, njeriu shfrytëzon njeriun. Në komunizëm është thjesht e kundërta", John Kenneth Galbraith

"Demokracia është forma më e keqe e qeverisjes, pas gjithë të tjerave", Winston Churchill

"Nëse do t'i drejtoheshim Uashington, kur kishim për të mbjellë e për të korrur, shumë shpejt do kishim nevojë për bukë", Thomas Jefferson

"Çfarë është qeveria? Shumë thjesht, është një agjenci shtrëngimi. Sigurisht që ka dhe agjenci të tjera force, siç është mafia. Për të qenë më i saktë, qeveria është agjencia e forcës, e cila ka më shumë flamuj në zyrat e saj", Harry Browne

"Nëse doni një fotografi të së ardhmes, imagjinoni një çizme që stampon fytyrën njerëzore përgjithmonë", George Orwell

"Sa më i korruptuar të jetë shteti, aq më shumë ligje ka", Cornelius Tacitus

"Një princ i mençur kërkon mjete, me anë të të cilëve subjektet e tij do të kenë gjithmonë dhe në çdo rrethanë nevojën për drejtimin e tij,e më pas ato do t'i jenë besnikë atij", Machiavelli

Sokrati, Apologjia

I përballur me akuza për "korruptim të rinisë" Sokrati mbajti këtë fjalim - siç na paraqitet nga Platoni - përpara jurisë së Athinës. Apologjia rezultoi e pasuksesshme; ai u dënua nga kolegët e tij dhe si pasojë kreu vetëvrasje. Por kjo pjesë retorike thekson perceptimin që ka vënë në lëvizje filozofinë që atëherë: që njohuria njerëzore është mjerisht e limituar.

Rreshtat më të mirë:
"Ora e vdekjes ka mbërritur dhe ne do marrim secili rrugën tonë - unë atë të vdekjes e ju të jetës. Se cila është më e mirë, vetëm Zoti e di".

Patrick Henry

"Më jepni lirinë ose më jepni vdekjen", 1775
Në vitin 1775, teksa kolonistët u mblodhën në Konventën e Virxhinias dhe debatuan nëse do t'i mobilizonin forcat kundër britanikëve, Henry mbajti një fjalim pasionant, në mbrojtje të rezolutës.

Rreshtat më të mirë:
"A është jeta kaq e shtrenjtë, e paqja aq e ëmbël sa të merret me çmimin e zinxhirëve dhe skllavërisë. Larg qoftë o Zot. Unë e di se çfarë rrjedhe mund të ndjekin të tjerët, Për sa më përket mua, më jepni lirinë ose më jepni vdekjen!"

Frederick Douglass

"Hipokrizia e skllavërisë amerikane", 1853
I lindur skllav në Merilend, Douglas u arratis në vitin 1838 dhe fitoi një njohje të gjerë për autobiografinë e vitit 1845. I ftuar të fliste me rastin e festimeve të katër korrikut, në qytetin e tij të adoptuar, Rocester, ai shfrytëzoi mundësinë për të lëshuar zemëratën e tij kundrejt padrejtësisë së skllavërisë.

Rreshtat më të mirë:
"Nëse i kthehemi deklaratave në të shkuarën, apo profesioneve të së tashmes, mënyra e formimit të kombit duket njësoj e shëmtuar dhe revoltuese. Amerika është false ndaj të shkuarës, false ndaj të tashmes".
Abraham Lincoln

"Getisburg", 1863
Në vendndodhjen e një prej betejave më kryesore të Luftës Civile, Lincoln mbajti një fjalim të përmbledhur - rreth tre minuta në kohë dhe rreth 265 fjalë i gjatë - i cili ishte i paharrueshëm. Teksa ndihmonte për t'i kushtuar një varr ushtarëve të rënë të Getisburgut, ai bëri një thirrje që vendi t'i nderonte ato duke nderuar the parimet - liri, barazi - të vlefshme për të dhënë jetën për to.

Rreshtat më të mirë:
"Para katër fitoreve dhe shtatë viteve, baballarët tanë sollën në këtë kontinent një komb të ri, të të konceptuar në liri dhe të dedikuar ndaj idesë se gjithë njerëzit janë të barabartë".

Susan B. Anthony

"E drejta e femrave për të votuar", 1873
Susan B. Anthony u dënua me 100 dollarë gjobë se kishte votuar në mënyrëtë paligjshme në zgjedhjet presidenciale të vitit 1872. E inatosur nga kjo padrejtësi ajo ndërmori një turne, në mbrojtje të së drejtës të femrave për të votuar, gjatë të cilit ajo mbajti këtë fjalim. Amendamenti i 19-të i dha të drejtën e votës grave në vitin 1920. Anthony s'e pagoi kurrë gjobën.

Rreshtat më të mirë:
"Ishim ne njerëzit; jo ne, qytetarët meshkuj të bardhë, apo ne, qytetarët meshkujt; por ne, të gjithë njerëzit, të cilët formuam Bashkimin. Dhe ne e formuam atë për të siguruar, jo vetëm gjysmën tonë dhe gjysmën e brezave të ardhshëm, por gjithë njerëzit, gra dhe burra".

Winston Churchill

"Gjak, punë, lot dhe djersë", 1940

Në fjalimin e tij të parë si kryeministër i Britanisë, Winston Churchill e lidhi rezultatin e luftës ndaj nazistëve me mbijetesën e Britanisë. Në një prej betejave historike ai mbajti një fjalim, po aq historik.
Rreshtat më të mirë:
"Ju më pyesni se cilat janë politikat tona? Unë mund t'ju them: Është për të bërë luftë nga deti, toka dhe ajri, me gjithë forcën dhe fuqinë që Zoti mund të në japë; të bëjmë luftë kundër një tiranie monstruoze, e cila s'e ka kapërcyer kurrë errësirën, një katalog i vajtueshëm i krimit njerëzor. Kjo është politika jonë."

John F. Kennedy

Fjalimi i inaugurimit, 1961
Në një fjalim të shkurtër, të cilin ai kaloi dy muaj për t'i dhënë formë, Kennedy 43-vjeçar, presidenti më i ri i zgjedhur dhe i pari katolik, theksoi rëndësinë e shërbimit kombëtar. Ndër vite, ky është konsideruar një si prej fjalimeve më frymëzuese, të cilin janë munduar të përtojnë shumë folës të njohur e të shquar.

Rreshtat më të mirë:
"Të dashur patriotë amerikanë: mos pyesni se çfarë vendi juaj mund të bëjë për ju, pyesni se çfarë mund të bëni ju për vendin tuaj."

Martin Luther King, Jr.

Unë kam një ëndërr, 1963
Nga shkallët e memorialit "Lincoln" gjatë muajit mars, në Uashington, novelisti i paqes theksoi vizionin e tij për harmoninë mes racave në Amerikë, në një oratori historike. Vitin në vijim, në moshën 35-vjeçare ai u bë njeriu më i ri që fitoi nj çmim Nobel për Paqe.

Rreshtat më të mirë:
"Ne kemi ardhur në këtë vend të shenjtë për t'i kujtuar Amerikës ngutin e egër të së tanishmes. Nuk ka kohë për t'u përfshirë në luksin e qetësisë, apo për të marrë ilaçin qetësues për t'i lënë gjërat të ecin gradualisht. Tani është koha për të bërë reale premtimet e demokracisë".

Lyndon B. Johnson

Premtimi amerikan, 1965
Në prag të dhunës së shëmtuar ndaj marshuesve të të drejtave civile në Selma, Alabama, në vitin 1965, Johnson adaptoi teorinë "Ne do të mbijetojmë", në këtë thirrje që vendi t'i jepte fund diskriminimit racial. Duke ushtruar gjithë forcën e presidencës pas lëvizjes, për herë të parë Johnson ndihmoi në përftimin e Aktit të Drejtës për të Votuar.

Rreshtat më të mirë:
"Nuk ka më çështje morale. Është e gabuar, krejtësisht e gabuar, t'i mohojmë dikujt prej patriotëve tanë amerikanë të drejtën për të votuar në këtë vend".

Ronald Reagan

Berlin, 1987
Kur Reagan i bëri thirrjen e tij të famshme sfiduese Mikhail Gorbachev, nga Berlini, fjalimi mori kritika nga më të ndryshme. Madje, dhe anëtarët e grupit të presidentit ishin të vakët ndaj tij. Por, në vitin 1989 muri i Berlinit u shkatërrua dhe ai fjalim sot kujtohet sipas gazetës gjermane "Bild", si fjalimi që "ndryshoi botën".
Rreshtat më të mirë:
"Zoti Gorbachev, shembeni këtë mur!"

Shiko temën e mëparshme Shiko temën pasuese Mbrapsht në krye  Mesazh [Faqja 1 e 1]

Drejtat e ktij Forumit:
Ju nuk mund ti përgjigjeni temave të këtij forumi

Social Media Buttons