Ngjarjet e 24 orëve të fundit në Siri dhe të gjakderdhjes së madhe në këtë vend për muaj me radhë që ndiqej nga “larg” nga komuniteti ndërkombëtar, tashmë ka hyrë në fazë tjetër!
Tashmë është më e qartë se kurrë një ndërhyrje ushtarake në Siri, ndërhyrje kjo që askush nuk mund të garantoj se ku do të dalë, pasi edhe pse në planë të parë duket se do të rrëzoj pushtetin e Assad, në planë të dytë, ajo që në fakt është dhe thelbi i ndërhyrjeve ushtarake, dilema nëse do të shtrihet më tej ky konflikt dhe do të prek Iranin?!
Padyshim që referimet e ditëve të fundit të Presidentit Amerikanë Barak Obama, për fakte të pathyeshme që Siria posedon armë kimike të shfarosjes në masë, të kujtojnë pak as shumë deklaratat e dikurshme të George W. Bush, që parapërgatit ndërhyrjen në Irak. Dhe dihet tashmë se aty nuk u gjet asnjë armë kimike e shkatërrimit në masë!
Nëse do të kemi një ndërhyrje ushtarake në Siri, atëherë Turqia, Izraeli dhe të gjithë vendete tjera në Lindjen e Mesme do të ndikohen shumë nga kjo ndërhyrje dhe zhvillimet në Siri. Padyshim që edhe Greqia si vend mesdhetar do të ndikohet dhe është ftuar të luaj një rol të rëndësishëm qoftë me dashje apo pa dashje!!!
Këtë e vërteton edhe reportazhi i gazetares shumë të njohur greke, Zonjës Adam, siç ajo thërritet nga kolegët, reportazh ky i realizuar për llogari të gazetës “Greqia Sot”, ku vërtetoi se SHBA-të i kanë kërkuar zyrtarisht Athinës, dhe pikërisht Ministrit të Jashtëm të vendit, Dhimtiri Abramopoulos, që aviacio9nit luftarak amerikanë “ti jepet më shumë hapësirë në bazën ushtarake të NATOS në Suda të ishullit të Kretës.”
Kështu, në kërkesën e SHBA-ve është kërkuar më konkretisht hapësirë për këto mjete ushtarake fluturuese:
6 avion KC135 për furnizimin në ajër të avionëve
10 avion specifik të luftës elektronike
20 avionë luftarak të gjeneratës së re
Sigurisht që kërkesa amerikane do të plotësohet dhe s’ka se si të bëhet ndryshe, por ajo që më shumë duket në horizont është se Greqia tashmë ftohet të luaj një rol kyç në misionet luftarake të aviacionit amerikanë dhe atij izraelit ndaj Sirisë, Libanit dhe të Iranit, që është dhe objektivi kryesor! Gjë kjo e cila do të ngjallte reagime të ashpra nga Rusia, populli grek dhe frika më e madhe emigrantët mysliman që jetojnë në Greqi, të cilët konsiderohen si një fuçi baruti!
Nga ana tjetër të paparashikueshme mund të jenë dhe lëvizjet e Turqisë, e cila si aleate e fortë e SHBA-ve është kthyer në liderin e rajonit dhe po bënë lojën e saj, duke shqetësuar armikun e saj të vjetër Rusinë, që sillet rrotull në Egje me prezencë ushtarake dhe me një prezence edhe më të fuqishme në Detin e Zi!
Kontinenti afrikanë po përjeton momente shumë të vështira ku përhapje e luftës është diçka më shumë se e prekshme dhe reale.

interesante kjo shum shum interesante